కాజీపేట రైల్వే లోకోషెడ్​ను సందర్శించిన విద్యార్థులు

విద్యార్థులకు ప్రయోగాలపై ఆసక్తి కలిగించేందుకు వరంగల్ నిట్ నడుం బిగించింది. రాష్ట్రీయ ఆవిష్కార్​ అభియాన్​ కార్యక్రమంలో భాగంగా రైల్వే లోకో షెడ్​కి విద్యార్థులను తీసుకెళ్లారు.

వరంగల్ నిట్​లో వేసవి శిక్షణ శిబిరం నిర్వహిస్తున్నారు. రాష్ట్రవ్యాప్తంగా వివిధ జిల్లాల నుంచి ప్రతిభ కనపరిచిన 60 మంది బాలబాలికలను ఎంపిక చేసి నెల రోజుల పాటు శిక్షణ తరగతులు నిర్వహిస్తున్నారు. ఇందులో భాగంగా విద్యార్థులను కాజీపేట్ రైల్వే లోకో షెడ్​కి తీసుకెళ్లారు. రైల్వే అధికారులు రైలింజన్​కు సంబంధించిన సాంకేతిక అంశాలు, రిపేర్లు వంటి విషయాలను విద్యార్థులకు క్షుణ్ణంగా వివరించారు. చిన్నారులు తమకు తెలియని కొత్త విషయాలను ఆసక్తిగా అడిగి తెలుసుకున్నారు.

ఈ నెల 30 వరకు జరిగే ఈ తరగతుల్లో వివిధ విభాగాల్లోని ప్రయోగశాలలో పరిశోధనలు ఎలా జరుగుతున్నాయో ప్రత్యక్షంగా వీక్షించి వాటి గురించి తెలుసుకునే అవకాశం కల్పించారు.

ఇదీ చూడండి : ఉద్యోగానికి ఎసరు తెచ్చిన ఐపీఎల్​ పాస్​