ప్లాస్టిక్​ను నిషేదిద్దాం.. పర్యావరణాన్ని కాపాడుదాం: కేటీఆర్​

ప్లాస్టిక్​ను నిషేధించి పర్యావరణాన్ని కాపాడాలని మంత్రి కేటీఆర్​ పిలుపునిచ్చారు. మేడారం జాతరను ప్లాస్టిక్ రహితంగా నిర్వహించుకుందామన్నారు. ప్లాస్టిక్​పై అవగాహన కల్పించేందుకు సిద్ధం చేసిన వాహనాన్ని ప్రారంభించారు.

ఆసియా ఖండంలోనే అతి పెద్దదైన మేడారం జాతరను ప్లాస్టిక్ రహితంగా నిర్వహించుకోవాలని ఐటీ శాఖ మంత్రి కేటీఆర్​ పిలుపునిచ్చారు. ప్లాస్టిక్ వస్తువులను వాడొద్దంటూ... ఎమ్మెల్సీ పోచంపల్లి శ్రీనివాస్ రెడ్డి రూపొందించిన డాక్యుమెంటరీ ఏవీని ప్రదర్శించే ఎల్​ఈడీ వాహనాన్ని హన్మకొండలో ప్రారంభించారు.

ప్లాస్టిక్ ప్రత్యామ్నాయ వస్తువులను వాడి... పర్యావరణాన్ని కాపాడాలని కేటీఆర్ సూచించారు. ప్రజలను చైతన్య పరిచేలా డాక్యుమెంటరీని రూపొందించినందుకు శ్రీనివాస్ రెడ్డిని అభినందించారు.

ఇదీ చూడండి: దిగొస్తున్న ఉల్లి ధర... ఆంధ్ర, తెలంగాణకు కొత్త సరుకు