గత రెండు రోజులుగా కురుస్తున్న వర్షాలకు వరంగల్ అర్బన్ జిల్లా హన్మకొండలోని సమ్మయ్య నగర్, వందఫీట్ రోడ్ కాలనీలో వరద ప్రవాహం ఉద్ధృతంగా ఉంది. ఈ ప్రవాహాన్ని పరిశీలించేందుకు జిల్లా మేయర్ గుండాప్రకాశ్రావు, స్థానిక కార్పొరేటర్ స్వరూప రాణి వచ్చారు. వారు తిరిగి వెళ్తున్న క్రమంలో కాంగ్రెస్ శ్రేణులు అడ్డుకున్నారు.
ప్రతిసారి వర్షం పడినప్పుడు ఆయా కాలనీలు నీట మునిగిపోతాయంటూ.. వాటికి శాశ్వత పరిష్కారం చూపించాలంటూ మేయర్ కారు ను అడ్డుకుని నినాదాలు చేశారు. ప్రభుత్వం నుంచి రూ. కోట్ల బడ్జెట్ వస్తుంటే అధికారులు, స్థానిక నేతలు ఏమి చేస్తున్నారంటూ మండిపడ్డారు. ఇప్పటికైనా స్పందించి నాలాలను వెడల్పు చేసి కాలనీలు జలమయం కాకుండా చూడాలని కోరారు.
ఇదీ చదవండిః ఓరుగల్లులో జోరువాన... రోడ్లన్నీ జలమయం
