వరంగల్ రూరల్ జిల్లా పరకాల మున్సిపాలిటీ 9వ వార్డు ఉపఎన్నిక నేపథ్యంలో కాంగ్రెస్ పార్టీ నియోజకవర్గ ఇంఛార్జీ ఇనగాల వెంకట్రాం రెడ్డి ప్రచారం చేశారు. కాంగ్రెస్ అభ్యర్థి దార్న వేణుగోపాల్ తరఫున ఇంటింటి ప్రచారం నిర్వహించారు. తెరాస పార్టీ తరఫున గెలుపొందిన వ్యక్తులు అభివృద్ధి చేయకుండా... స్వలాభం చూసుకున్నారని ఆరోపించారు. భవనాల అనుమతుల కోసం డబ్బులు వసూలు చేస్తూ ఎంతో మందిని ఇబ్బందులకు గురిచేశారని విమర్శించారు.
నియోజకవర్గానికి ఎమ్మెల్యే చల్లా ధర్మారెడ్డి చేసింది ఏం లేదని విమర్శించారు. చల్లా ఇన్ఫ్రాస్ట్రక్చర్కి లాభం తీసుకొచ్చే పనులే చేపట్టారని ఆరోపించారు. ఎమ్మెల్యే బాగా ఎదిగారు తప్పా నియోజకవర్గంలో ఎలాంటి అభివృద్ధి లేదని ఆరోపించారు. ఈ ఒక్కసారి కాంగ్రెస్కు అవకాశం ఇవ్వాలని కోరారు.
ఈ కార్యక్రమంలో యూత్ కాంగ్రెస్ వరంగల్ రూరల్ జిల్లా అధ్యక్షులు కొయ్యడ శ్రీనివాస్, ఎన్నికల సమన్వయ కమిటీ అధ్యక్షులు దుబాసి వెంకటస్వామి, మాజీ ఎంపీపీ ఒంటేరు రామ్మూర్తి, మంద రామచందర్, బొమ్మకంటి చంద్రమౌళి, మంద రామేశ్వర్, రవికుమార్ తదితరులు పాల్గొన్నారు.
ఇదీ చదవండి: గ్రేటర్ వరంగల్ ఎన్నికల ప్రచారంలో కరీంనగర్ మేయర్
