వికారాబాద్ జిల్లా కేంద్రంలోని పంచాయతీలకు విద్యాశాఖ మంత్రి సబితారెడ్డి చేతుల మీదుగా టీవీలను పంపిణీ చేశారు. జిల్లాలో పేద విద్యార్థుల ఆన్లైన్ తరగతులకు ఇబ్బంది కలగకూడదని టెలివిజన్లు అందిస్తున్నట్లు ఎంపీ రంజీత్ రెడ్డి తెలిపారు. ప్రతి పంచాయితీలకు టీవీలు పంపిణీ చేయడం సంతోశకరమని రంజిత్రెడ్డి పేర్కొన్నారు.
విద్యా సంవత్సరం నష్టపోకుండా..
విద్యా సంవత్సరం నష్టపోకుండా దూరదర్శన్ ద్వారా ఆన్లైన్ తరగతులు నిర్వహిస్తున్నామని విద్యాశాఖ మంత్రి సబితా ఇంద్రారెడ్డి స్పష్టం చేశారు. ఫోన్లు, టీవీలు లేని వారు గ్రామపంచాయతీలోని తరగతులకు హాజరు కావాలని సూచించారు. జిల్లాలోని గ్రామ పంచాయతీల్లో నర్సరీ, వైకుంఠ ధామం, ట్రాక్టర్, డంపింగ్ యార్డుతో పాటు ఓ టీవీ కూడా ఉందని మంత్రి సబితా చెప్పుకొచ్చారు.
విద్య విలువ తెలిసిన వ్యక్తి...
చేవెళ్ల ఎంపీ రంజిత్రెడ్డి విద్యావంతుడు, విద్య విలువ తెలిసిన వ్యక్తి కాబట్టే విద్యార్థులకు ఇబ్బంది కలగకూడదని ప్రతి గ్రామానికి టీవీలు అందించే కార్యక్రమానికి శ్రీకారం చుట్టారని మంత్రి సబితా ప్రశంసించారు.
