వసంతపంచమి వేడుకలతో సందడిగా వర్గల్​ సరస్వతి ఆలయం

శ్రీ పంచమిని పురస్కరించుకుని రెండో బాసరగా పేరొందిన సిద్దిపేట జిల్లా వర్గల్​లోని విద్యాధరి ఆలయం భక్తులతో కిటకిటలాడుతోంది. ​

సిద్దిపేట జిల్లా వర్గల్ విద్యాధరి ఆలయంలో వసంత పంచమి వేడుకలు ఘనంగా జరుగుతున్నాయి. ఉదయం 4 గంటలకే ప్రత్యేక పూజా కార్యక్రమాలు ప్రారంభమయ్యాయి.

శ్రీ క్షేత్రం పీఠాధిపతి మధుసూదనా సరస్వతి స్వామివారి ఆధ్వర్యంలో గణపతి పూజ, పంచామృత అభిషేకం నిర్వహించారు. ఈరోజు అమ్మవారు విద్యాజ్యోతిగా దర్శనం ఇస్తున్నారు. అమ్మవారి సమక్షంలో తమ చిన్నారులకు అక్షరాభ్యాసం చేయించేందుకు భక్తులు పెద్ద ఎత్తున తరలివచ్చారు.