ఆర్డీఓ కార్యాలయంపై వ్యక్తి ఆత్మహత్యాయత్నం

తన భార్యకు వారసత్వంగా వస్తున్న భూమిని పట్టా చేయడంలేదని ఓ వ్యక్తి మనస్తాపానికి గురై ఆర్డీవో కార్యాలయం ఎక్కి ఆత్మహత్యకు యత్నించాడు.

సిద్దిపేట జిల్లా హుస్నాబాద్ ఆర్డీవో కార్యాలయ భవనంపై పొట్లపల్లి గ్రామానికి చెందిన జోగినిపల్లి శ్రీనివాస్ కిరోసిన్ పోసుకొని ఆత్మహత్యాయత్నానికి ప్రయత్నించాడు. పైకి ఎక్కిన రెవెన్యూ సిబ్బంది అతనిని కాపాడారు. తన భార్య స్వరూపకు వారసత్వంగా వస్తున్న 3 ఎకరాల 10 గుంటల వ్యవసాయ భూమిని తన పట్టా చేయడం లేదని వాపోయాడు.
తనను దత్తత తీసుకున్న వ్యక్తి నుంచి వారసత్వంగా సంక్రమించిన భూమిని తన తల్లి, అన్న కలిసి కౌలు చేస్తామని చెప్పి తీసుకున్నారని...అధికారుల చుట్టూ ఎన్ని సార్లు తిరిగినా తన పేరుపై పట్టా చేయడంలేదని ఆమె వాపోయింది.

భూమి విషయంలో వారి కుటుంబంలో తగాదాలు ఉన్నాయని... అవి పరిష్కరించుకుంటేనే పట్టా ఇస్తామని లేకుంటే సివిల్ కోర్టుకు పంపిస్తామని హుస్నాబాద్ తాహసీల్దార్ దశరథ సింగ్ తేల్చి చెప్పారు.ఇవీ చూడండి: కర్ణాటక సంక్షోభంతో పార్లమెంటు ఎదుట ఆందోళన...