డయల్​ 100పై సిబ్బందితో ఎస్పీ సమీక్ష

ఆపద సమయంలో డయల్​ 100కి ఫోన్ చేసి  బాధితులు రక్షణ పొందాలని జిల్లా ఎస్పీ చంద్రశేఖర్​ రెడ్డి అన్నారు. బాధితుల ఫిర్యాదులపై తక్షణమే స్పందించాలని సిబ్బందికి సూచించినట్లు తెలిపారు.

జహీరాబాద్ గ్రామీణ పోలీసు స్టేషన్​లో డివిజన్ పోలీసు అధికారులు, సిబ్బందితో ఎస్పీ చంద్రశేఖర్​ రెడ్డి సమీక్ష నిర్వహించారు. డయల్ 100పై సమీక్షించారు. బాధితులు ఫోన్ చేస్తే వెంటనే స్పందించి సహాయం అందించాలని ఆదేశించారు. బాధితులు స్టేషన్​కి వచ్చి ఫిర్యాదు చేస్తే తమ పరిధి కాదని పంపకుండా సమస్యను పరిష్కరించాలని సూచించారు. అత్యవసర సమయంలో మాత్రమే 100 నంబర్​కు ఫోన్​ చేయాలని కోరారు. సమావేశంలో డీఎస్పీ గణపథ్ జాదవ్, సీఐలు సైదేశ్వర్, కృష్ణ కిశోర్, జహీరాబాద్ పట్టణ, గ్రామీణ, చిరాగ్ పల్లి, హద్నూర్ ఝరాసంగం, రాయికోడ్ ఠాణా సిబ్బంది పాల్గొన్నారు.

ఇదీ చూడండి: తలను గోడకు బాదుకొని... టీచరే కొట్టిందని చెప్పింది..