సిద్దిపేట జిల్లా కోహెడలో ఆదివారం రోజు జరిగిన పెళ్లి దృశ్యాలు ఇప్పుడు వైరల్ అవుతున్నాయి. కరోనా వేళ పెళ్లి అంటేనే జనాల్లో భయం పట్టుకుంది. ఇక పురోహితులు కూడా తగిన జాగ్రత్తలు తీసుకుంటున్నారు. ఇప్పటికే ఒక పురోహితుడు మొబైల్ పెళ్లి చేసిన వార్త హల్చల్ చేయగా... ఇక్కడ పంతులు కూడా కొంచెం వెరైటీగా వివాహం జరిపాడు.
కోహెడకు చెందిన సటికం భాగ్య, మల్లేశం దంపతుల కుమార్తె సౌమ్య వివాహం తంగళ్లపల్లికి చెందిన కృష్ణమూర్తితో ఆదివారం జరిగింది. వధూవరులు వివాహ వేదికపై ఉంటే... పురోహితుడు ప్రసాద్ రావు శర్మ మాత్రం మండపానికి వచ్చి అదే కారులో కూర్చున్నాడు. ఆ కారులో నుంచే వధూవరులను చూస్తూ... మైక్లో మంత్రాలు చదువుతూ వివాహం జరిపించారు. అటో ఇటో... తంతగాన్ని మొత్తం కారులో నుంచే పూర్తి చేశాడు ఆ పంతులు.
ఈ తతంగాన్ని మొత్తం అక్కడున్న వారు మొబైల్ ఫోన్లో చిత్రీకరించారు. అంతటితో ఆగకుండా సోషల్మీడియాలో పోస్ట్ చేయగా... ఇప్పుడు ఆ పెళ్లి సామాజిక మాధ్యమాల్లో చక్కర్లు కొడుతోంది. కరోనా భయంతో పలుచోట్ల పురోహితులు మండపానికి దూరంగా ఉంటూ... వివాహాన్ని జరిపిస్తున్నారు.
