ఆదివారం నుంచి లాక్​డౌన్​ అంటూ గ్రామంలో దండోరా

దండోరా... ఒకప్పుడు గ్రామాల్లో చాలా ప్రాచుర్యం పొందిన ఆచారం. ఊర్లో ఏం జరిగినా దండోరా వేసే ప్రజలకు తెలియజేసేవారు. కాలం గుడుస్తున్న కొద్ది డప్పు చాటింపు కనుమరుగైంది. లాక్​డౌన్​ పుణ్యమా అని ఈ మధ్య కొన్ని గ్రామాల్లో ఈ డప్పు చాటింపు వేసేవారు కనిపిస్తున్నారు. ఆదివారం నుంచి లాక్​డౌన్​ అంటూ మిరుదొడ్డిలో దండోరా వేయించారు.

సిద్దిపేట జిల్లా మిరుదొడ్డిలో ఆదివారం నుంచి మూడు రోజులు స్వచ్ఛంద లాక్​డౌన్​ ప్రకటించారు. ఈ వార్తను ప్రజలందరికి తెలిసేలా డప్పు చాటింపు వేయించారు. దండోరా వేసే వ్యక్తి వీధులన్నీ తిరుగుతూ 'పెద్దలందరూ కలిసి మూడు రోజుల పాటు లాక్​డౌన్​ విధించాలని తీర్మానం చేశారు, కాబట్టి ఇంటి నుంచి ఎవ్వరు బయటకు రాకూడదు, దీనికి అందరూ కట్టుబడి ఉండాలి' అంటూ ప్రజలందరికీ తెలియజేశాడు.