కరోనా టీకాల కోసం ఆస్పత్రుల వద్దకు వచ్చే వారు క్యూలైన్‌లో నిలబడి ఇబ్బంది పడుతున్నారని సంగారెడ్డి ఎమ్మెల్యే జగ్గారెడ్డి ఆరోపించారు. ముఖ్యంగా వయసుపైబడిన వారు కూడా క్యూలైన్‌లో ఉంటున్నందున వేసవి తాపానికి తట్టుకోలేకపోతున్నారని ఆందోళన వ్యక్తం చేశారు.
ఎండ తగలకుండా టెంట్ వేసి, కూర్చోడానికి కుర్చీలు, మంచి నీటి సౌకర్యం కల్పించాలని ఆయన కోరారు. ఏఐసీసీ మాజీ అధ్యక్షుడు రాహుల్ గాంధీ పిలుపు మేరకు సంగారెడ్డి నియోజకవర్గం పరిధిలో రెండు మున్సిపాలిటీలు, 4 మండలల్లో ప్రజలకు అందుబాటులో ఉండి.. కొవిడ్ చికిత్సకు అవసరమైన సహాయం చేయాలని పార్టీ నాయకులు, ప్రజాప్రతినిధులను కోరినట్లు తెలిపారు.
నియోజకవర్గంలో ఎక్కడి ప్రజలకు ఆక్సిజన్ అవసరం ఉన్నా... బాధితులకు ఆక్సిజన్ అందించేందుకు సహకరించాలని కోరారు.
ఇదీ చూడండి: పిల్లలందరికీ 'ఈటీవీ బాలభారత్' అంకితం: రామోజీరావు
