జనతా కర్ఫ్యూ సందర్భంగా రాష్ట్ర సరిహద్దు ప్రాంతాలను మూసివేశారు. వివిధ దేశాల నుంచి స్వస్థలాలకు వస్తున్న పలువురిని చెక్పోస్ట్ల వద్ద అడ్డుకున్నారు. ఏపీ, తెలంగాణ ప్రాంతాలకు చెందిన 35 మంది ఖతర్ నుంచి వస్తుండగా తెలంగాణ- కర్ణాటక సరిహద్దులో పోలీసులు అడ్డుకున్నారు. ముంబై విమానాశ్రయంలో పూర్తిస్థాయి వైద్య పరీక్షలు చేయించుకుని... తమకు ఎలాంటి వైరస్ సోకలేదని వైద్యులు నిర్ధారించిన ధ్రువపత్రాలు ఇచ్చినా వారిని రాష్ట్రంలోకి అనుమతించలేదని ప్రయాణికులు వాపోతున్నారు.
రాష్ట్రంలో కర్ఫ్యూ నేపథ్యంలో సోమవారం ఉదయం 6 గంటల వరకూ సరిహద్దు లోనే ఉండాలని పోలీసులు సూచించారు. రాష్ట్ర సరిహద్దుల్లో ఏర్పాటుచేసిన కరుణ వైద్య శిబిరాల వద్ద వారికి పరీక్షలు నిర్వహించారు. కనీస వసతి లేక ఇబ్బంది పడుతున్నామని.. తమను సొంతూరికి పంపించాలని ప్రయాణికులు కోరుతున్నారు.
ఇవీ చూడండి: 'రాష్ట్రంలో సకలం స్వీయ నిర్బంధం'
