పాఠశాలకు వెళ్లి వస్తుండగా..

పాఠశాలకు వెళ్లి వస్తానన్న కుమారుడిని డీసీఎం రూపంలో మృత్యువు కబళించింది. ఆ చిన్నారి తల్లిదండ్రుల్ని శోకసంద్రంలో ముంచింది. ఈ విషాదకర ఘటన సంగారెడ్డి జిల్లా వీరారెడ్డిపల్లిలో చోటుచేసుకుంది.

పాఠశాలకు వెళ్లి తిరిగి వస్తానన్న కుమారుడిని డీసీఎం రూపంలో మృత్యువు కబళించింది. విషయం తెలుసుకున్న తల్లిదండ్రులు కన్నీరు మున్నీరయ్యారు. ఈ విషాదకర ఘటన సంగారెడ్డి జిల్లా గుమ్మడిదల మండలం వీరారెడ్డిపల్లి సమీపంలో జరిగింది. కానుకుంట హైస్కూల్లో మల్లికార్జున్​ అనే విద్యార్థి తొమ్మిదో తరగతి చదువుతున్నాడు. రోజులాగే సైకిల్​పై పాఠశాలకు వెళ్ళి తిరిగి వస్తుండగా ఎదురుగా వస్తున్న డీసీఎం బాలుడి సైకిల్​నుబలంగా ఢీకొంది. తీవ్రగాయాలైన మల్లికార్జున్​ను నగరంలోని మెడిసిటీ ఆస్పత్రికి తరలించారు. ఈలోపే బాలుడు మరణించినట్లు వైద్యులు తెలిపారు. ముగ్గురు పిల్లల్లో ఉన్న ఒక్కగానొక్క కుమారుడు చనిపోవడం వల్లతల్లిదండ్రులు గుండెలవిసేలా రోదిస్తున్నారు. పోలీసులు కేసు నమోదు చేసుకుని దర్యాప్తు చేస్తున్నారు.

ఇవీ చూడండి:పారికర్​కు కడసారి వీడ్కోలు