సంగారెడ్డి జిల్లా పటాన్చెరు మండలం ఇంద్రేశంలో మహాత్మా జ్యోతిబా పూలే బీసీ గురుకుల పాఠశాలలో సాంస్కృతిక ఉత్సవాలు ఘనంగా ప్రారంభమయ్యాయి. మూడు రోజుల పాటు జరిగే జిల్లా స్థాయి సాంస్కృతిక ఉత్సవాలకు డీఎస్పీ రాజేశ్వర్ రెడ్డి ముఖ్య అతిథిగా హాజరయ్యారు.
మన దేశం ప్రస్తుతం అభివృద్ధి చెందుతున్న దేశమని, మీరు బాగా చదువుకుని అందులో భాగస్వామ్యం కావాలని ఈ సందర్భంగా డీఎస్పీ సూచించారు. గతంలో విద్యార్థులకు సౌకర్యాలు ఉండేవి కాదని, రాష్ట్ర ప్రభుత్వం అనేక సౌకర్యాలు కల్పిస్తుందని దీనిని వినియోగించుకుని అభివృద్ధికిలోకి రావాలన్నారు. ప్రతి విద్యార్థికి ఒక లక్ష్యం ఉండాలని, దాని కృషికై ముందుకు సాగాలని ఆయన తెలిపారు. ఈ కార్యక్రమంలో రామచంద్రాపురం బహుదూర్ పుర, సికింద్రాబాద్ గురుకుల పాఠశాలల విద్యార్థులు పాల్గొన్నారు.
ఇదీ చూడండి : 'మద్యం నియంత్రణ కోసం కాంగ్రెస్ పోరుబాట'
