Koratala Shiva: నేటి యువత సాంకేతికత, తెలివితేటలతో వ్యవహరిస్తున్నప్పటికీ సామాజిక స్పృహ లోపిస్తోందని ప్రముఖ దర్శకుడు కొరటాల శివ ఆవేదన వ్యక్తం చేశారు. చక్కగా చదువుకొని ఉన్నత లక్ష్యాలతో ఉద్యోగాల్లో చేరి ఆనందంగా ఉన్నప్పటికీ సామాజిక స్పృహతో ఉండడం లేదన్నారు. సంగారెడ్డి జిల్లా పటాన్చెరు మండలం నందిగామలో రెసోనెన్సీ గురుకుల పాఠశాల క్యాంపస్ను విశ్రాంత ఐపీఎస్ అధికారి వి.వి.లక్ష్మీనారాయణతో కలిసి కొరటాల శివ లాంఛనంగా ప్రారంభించారు.
ఈ సందర్భంగా విద్యార్థులను ఉద్దేశించిన ప్రసంగించిన కొరటాల... తన ఆచార్య చిత్రంలోని సిద్ధ పాత్రధారులెందరో ఈ క్యాంపస్ నుంచి తయారుకావాలని కోరారు. విద్యార్థులు ప్రతి ఒక్కరూ జీవితంలో ఉన్నత లక్ష్యాలను నిర్దేశించుకొని వాటిని సాధించేందుకు శ్రమించాలని ఈ క్రమంలో సామాజిక బాధ్యత మరవొద్దని సూచించారు. రెసోనెన్సీ గురుకుల పాఠశాలలో ఉత్తమ ప్రతిభ కనబరుస్తున్న పలువురు విద్యార్థినీ, విద్యార్థులకు మెమెంటోలు అందజేసి ప్రశంసించారు.
బిజీగా ఉన్నా కూడా ఇక్కడకు ఎందుకు వచ్చానంటే.. గురుకుల క్యాంపస్ అనగానే కొంచెం ఉత్సాహం వచ్చింది. ఎందుకంటే ఆచార్య చిత్రంలో 'సిద్ధ' ఒక గురుకుల బాయ్. ఇక్కడ క్యాంపస్లో ఎంత మంది సిద్ధలు ఉన్నారో చూద్దామని వచ్చాను. మీ అందరికి ఆల్ ద బెస్ట్. ఇంత అందమైన క్యాంపస్లో చదువుకోవడం నిజంగా అదృష్టం. -కొరటాల శివ, సినీ దర్శకుడు
ఇవీ చదవండి:
