హైటెన్షన్​ తీగలపై ఎక్కి టెన్షన్ పెట్టించిన కొండచిలువ

Python On Power Line రంగారెడ్డి జిల్లాలో కొండచిలువ కలకలం సృష్టించింది. ఓ పొలంలో ఉన్న హైటెన్షన్ విద్యుత్ స్తంభం ఎక్కి హల్​చల్ చేసింది. దీంతో అక్కడి రైతులు ఆశ్చర్యానికి గురయ్యారు. వెంటనే వారు అటవీశాఖ, విద్యుత్​శాఖ అధికారులకు సమాచారం అందించారు. వెంటనే అక్కడికి చేరుకున్న అధికారులు కొండచిలువను బంధించారు.

Python On Power Line: రంగారెడ్డి జిల్లా యాచారం మండలం కుర్మిద్దలో కొండచిలువ కలకలం సృష్టించింది. పొలంలో ఉన్న హైటెన్షన్ విద్యుత్ స్తంభం నుంచి కొండచిలువ తీగల పైకెక్కింది. ఆశ్చర్యానికి గురైన అక్కడి రైతులు అటవీశాఖ, విద్యుత్​శాఖల అధికారులకు సమాచారం ఇచ్చారు. అక్కడికి చేరుకున్న సిబ్బంది విద్యుత్ సరఫరాకు ఇబ్బంది కలగకుండా అప్రమత్తమయ్యారు. హైటెన్షన్ వైర్లు కావడంతో ముందు జాగ్రత్తగా తీగలపై పాకుతున్న కొండచిలువను తాళ్ల సహాయంతో కిందపడేశారు.

అనంతరం అటవీశాఖ సిబ్బంది కొండచిలువను బంధించారు. దానిని సమీపంలోని అడవిలో వదిలివసేందుకు ప్రయత్నిస్తున్నారు. సమీపంలో అటవీప్రాంతం ఉండటంతో కొండచిలువ వచ్చినట్లు అధికారులు గుర్తించారు.

ఇవీ చదవండి: ఈ చిన్నారుల డ్యాన్స్​కు కేటీఆర్​ ఫిదా, నిజంగానే కేక పెట్టించారుగా