ఆస్పత్రి సిబ్బంది స్థానికుల మధ్య గందరగోళం
ఎల్బీనగర్ నియోజకవర్గం మున్సూరాబాద్ పట్టణ ఆరోగ్య కేంద్రంలో గందరగోళం తలెత్తింది. ఆస్పత్రి సిబ్బంది.. స్థానికుల మధ్య స్వల్ప వాగ్వాదం చోటుచేసుకుంది. సిబ్బంది అవగాహన లోపంతో.. వ్యాక్సినేషన్ కోసం వచ్చిన వారు అవస్థలు పడ్డారు.
వ్యాక్సిన్ కోసం వచ్చిన వారంతా.. క్యూలో నిల్చుని టోకెన్లు తీసుకోవాలని సిబ్బంది సూచించారు. టోకెన్లు ఉంటేనే టీకా వేస్తామని చెప్పారు. సిబ్బంది సూచనలపై వృద్ధులు మండిపడ్డారు. వ్యాక్సిన్ కోసం ఆన్లైన్లో ముందుగానే రిజిస్టర్ చేయించుకున్నామని చెప్పారు. అయినా వినకుండా తమను వెనక్కి పంపిస్తున్నారంటూ అసంతృప్తి వ్యక్తం చేశారు.
పట్టణ ఆరోగ్య కేంద్ర ప్రాంగణంలో.. ఈ గందరగోళం మధ్య మాస్కులు వినియోగం, భౌతికదూరం మరిచి.. ఒకరిపై మరొకరు ఆరోపణలు చేసుకున్నారు.
ఇదీ చూడండి : మూడు రోజులు ఈదురుగాలులతో కూడిన మోస్తరు వర్షాలు
