జల్​పల్లి మున్సిపాలిటీ పరిధిలో 8 పరిశ్రమలు సీజ్​

మున్సిపల్ కమిషనర్ డా.జీపీ కుమార్ తన సిబ్బందితో కలిసి జల్​పల్లి మున్సిపాలిటీలోని శ్రీరాం కాలనీ ప్రాంతంలో ఉన్న పరిశ్రమలను తనిఖీ చేశారు. భారీగా వ్యర్థాలు ప్రవహిస్తున్న 7 ప్లాస్టిక్ పరిశ్రమలు, ఒక ఆహార పరిశ్రమను సీజ్​ చేశారు. మురికి నీరు, ప్లాస్టిక్ వ్యర్థాలతో విసుగెత్తి స్థానికులు ఫిర్యాదు చేశారు.

రంగారెడ్డి జిల్లా జల్​పల్లి మున్సిపాలిటీలోని శ్రీరాం కాలనీ ప్రాంతంలో పరిశ్రమల నుంచి భారీగా వ్యర్థాలు ప్రవహిస్తున్నాయనే ఫిర్యాదుతో.. జల్​పల్లి మున్సిపల్ కమిషనర్ డా.జీపీ కుమార్ తన సిబ్బందితో కలిసి పరిశ్రమలపై దాడి చేశారు. చట్ట విరుద్ధంగా నడుస్తున్న 7 ప్లాస్టిక్ పరిశ్రమలు, ఒక ఆహార పరిశ్రమను మున్సిపల్ కమిషనర్​ సీజ్​ చేశారు.

పరిశ్రమల్లో మలిన ప్లాస్టిక్​ను శుద్ధి చేసి.. వాటి నుంచి వచ్చిన మురికి నీటిని, చిన్న చిన్న ప్లాస్టిక్ ముక్కలను రహదారిపై వదులుతున్నారు. ఎలాంటి ప్రమాణాలు పాటించకుండా.. సరైన అనుమతులు లేకుండా కాలుష్యాన్ని వెదజల్లుతున్నారు. దీనిపై స్థానికుల ఫిర్యాదు మేరకు ఇవాళ ఫ్యాక్టరీలను సీజ్ చేశారు.

ఇదీ చూడండి:వరంగల్​ అభివృద్ధికి ఏం చేశారు ?: రాకేశ్​ రెడ్డి