పెట్రో ధరల పెంపును నిరసిస్తూ కాంగ్రెస్ నేడు అన్ని మండలాల్లో నిరసనలకు దిగింది. ఈ నేపథ్యంలో రంగారెడ్డి జిల్లా శంషాబాద్లో కాంగ్రెస్ శ్రేణులు నిరసన చేపట్టారు. టీపీసీసీ అధ్యక్షులు ఉత్తమ్ కుమార్ రెడ్డి, మాజీ ఎంపీ కొండా విశ్వేశ్వర్‌రెడ్డి, ఇతర నాయకులు పాల్గొన్నారు. కేంద్ర ప్రభుత్వానికి వ్యతిరేకంగా నినాదాలు చేశారు. ఘటనా స్థలికి చేరుకున్న పోలీసులు నాయకులను అడ్డుకుని స్టేషన్కు తరలించారు.
కరోనాతో ఓవైపు ప్రజలు ఇబ్బందులు పడుతుంటే.. కేంద్రం ఇంధన ధరలు పెంచడం అమానవీయ చర్య అని ఉత్తమ్ మండిపడ్డారు. అంతర్జాతీయ మార్కెట్లో చమురు ధరలు తగ్గుతుంటే.. పెట్రోల్ ధరలు పెంచడం ఏంటని ప్రశ్నించారు. ఇలాంటి విపత్కర పరిస్థితుల్లో ప్రజలకు అండగా నిలవాల్సిన మోదీ ప్రభుత్వం.. ధరలు పెంచి సామాన్య ప్రజలపై అదనపు భారాన్ని మోపుతుందని విమర్శించారు. వెంటనే పెట్రోల్, డీజిల్ ధరలను తగ్గించాలని డిమాండ్ చేశారు. లేనిపక్షంలో ఆందోళనలు ఉద్ధృతం చేస్తామని హెచ్చరించారు. ఈ మేరకు.. శంషాబాద్ తహసీల్దార్కు వినతిపత్రం సమర్పించారు.
