కొనుగోలు చేయట్లేదని ధాన్యం తగలబెట్టి నిరసన

ఐకేపీ సెంటర్లలో ధాన్యం కొనుగోలు చేయట్లేదని రాజన్న సిరిసిల్ల జిల్లా లక్ష్మీపూర్​లో రైతులు నిరసన వ్యక్తం చేశారు. ధాన్యం తగలబెట్టి ఆందోళన చేశారు.

రాజన్న సిరిసిల్ల జిల్లా తంగళ్ళపల్లి మండలం లక్ష్మీపూర్​లో రైతులు ఆందోళన చేశారు. ధాన్యం కొనుగోలు చేయటం లేదంటూ వడ్లు తగలబెట్టి నిరసన వ్యక్తం చేశారు. రైస్ మిల్లర్లకు వ్యతిరేకంగా నినాదాలు చేశారు. ధాన్యం కొనుగోలులో తీవ్ర జాప్యం చేస్తున్నారని ఆగ్రహం వ్యక్తం చేశారు.

రైస్​మిల్లర్లు క్వింటాలుకు నాలుగు నుంచి ఐదు కిలోల వరకు ధాన్యాన్ని కోత పెడుతున్నారని ఆరోపించారు. ఇప్పటికైనా సంబంధిత అధికారులు స్పందించి తమకు ఇబ్బంది కలగకుండా ధాన్యాన్ని సకాలంలో కొనుగోలు చేయాలని రైతులు కోరుతున్నారు.

ఇదీ చూడండి:- కరోనా చికిత్సకు ఆ మందు వాడితే ప్రాణాలు హరీ!