'నిబంధనలు ఉల్లంఘించిన వారిపై కఠిన చర్యలే'

కేంద్ర, రాష్ట్ర ప్రభుత్వాలు విధించిన లాక్​డౌన్ నిబంధనలు ఉల్లంఘించిన వాహనదారులపై కఠిన చర్యలు తీసుకుంటున్నామని రామగుండం ట్రాఫిక్​ ఏసీపీ రాంరెడ్డి అన్నారు. పెద్దపల్లి జిల్లా గోదావరిఖని పారిశ్రామిక ప్రాంతంలో ట్రాఫిక్​ పోలీసులు తనిఖీలు చేపట్టారు. కరోనా నివారణకు కృషి చేస్తున్న పోలీసులకు ప్రజలు సహకరించాలని ఏసీపీ కోరారు.

పెద్దపల్లి జిల్లా రామగుండం ట్రాఫిక్ ఏసీపీ రాంరెడ్డి ఆధ్వర్యంలో గోదావరిఖని పారిశ్రామిక ప్రాంతంలోని ప్రధాన కూడళ్లలో ట్రాఫిక్​ పోలీసులు తనిఖీలు చేపట్టారు. రామగుండం ట్రాఫిక్ సీఐ రమేష్ బాబు, ఎస్సైలు, సిబ్బంది రోడ్లపైకి వచ్చే వాహనదారులకు ట్రాఫిక్ నిబంధనలు చెబుతూనే ప్రజలకు అవగాహన కల్పిస్తున్నారు. లాక్​డౌన్​ నిబంధనలు ఉల్లంఘించి అనవసరంగా రోడ్లపై తిరుగుతున్న వారి వాహనాలను సీజ్ చేశారు. వాహనాలపై ఇద్దరు వెళితే వారికి కౌన్సిలింగ్ నిర్వహించి వాహనాలను సీజ్ చేసినట్లు రామగుండం ట్రాఫిక్​ ఏసీపీ రాంరెడ్డి పేర్కొన్నారు.

కరోనా నివారణకు 24 గంటలు కష్టపడుతున్న పోలీసులకు ప్రజలు సహకరించాలని ఏసీపీ కోరారు. అత్యవసర పనుల నిమిత్తం వెళ్లేవారు పోలీసు ఉన్నతాధికారుల వద్ద అనుమతి పత్రాన్ని తీసుకుని వెళ్లాలని సూచించారు. వాహనాలను సీజ్ చేస్తే లాక్​డౌన్​ ముగిసేవరకు వాటిని తిరిగి పొందే ఆస్కారం ఉండదని వాహనదారులకు చెప్పారు.

ఇవీ చూడండి: 'లాక్​డౌన్ తొలగించినా... విద్యాసంస్థల్లో భౌతికదూరం'