విశాఖపట్నం నుంచి పెద్దపల్లి జిల్లా గోదావరిఖని వైపు వెళ్తున్న లారీ సుల్తానాబాద్ వద్ద మూడు విద్యుత్ స్తంభాలను ఒక భారీ వృక్షాన్ని ఢీకొని ఆగింది. డ్రైవర్ నిద్రమత్తులో ఉండి అతివేగంగా లారీ నడపడం కారణంగా ఈ ప్రమాదం జరిగిందని స్థానికులు అంటున్నారు.
ఈ ప్రమాదంలో లారీ డ్రైవర్, క్లీనర్కు తీవ్ర గాయాలయ్యాయి. కాగా నిరంతరం రద్దీగా ఉండే రాజీవ్ రహదారిపై రాకపోకలకు భారీ అంతరాయం ఏర్పడింది. స్థానికుల సమాచారం మేరకు ఘటనా స్థలానికి చేరుకున్న సుల్తానాబాద్ పోలీసులు ట్రాఫిక్ను నియంత్రించారు. లారీ డ్రైవర్పై కేసు నమోదుచేసుకుని దర్యాప్తు చేస్తున్నారు.
నిద్రమత్తులో డ్రైవర్.. విద్యుత్ స్తంభాలనును ఢీ కొన్న లారీ..
