నిజామాబాద్ జిల్లా బాల్కొండలో లయన్స్ క్లబ్ పోర్ట్ బాల్కొండ, నిజామాబాద్కు చెందిన ప్రగతి హార్ట్ సెంటర్ ఆధ్వర్యంలో ఉచిత గుండె వైద్య శిబిరాన్ని శనివారం నిర్వహించారు. శిబిరాన్ని ఎంపీపీ లావణ్య ప్రారంభించారు. ఉచిత వైద్య సేవలను వినియోగించుకోవాలని ఆమె వివరించారు. వైద్యులు గోపికృష్ణ, మహేష్లు పాల్గొని శిబిరానికి వచ్చిన వారికి గుండె పరీక్షలు చేశారు.
కార్యక్రమంలో భాగంగా 55 మందికి ఉచితంగా ఈసీజీ, 2డీ ఎకో వైద్య పరీక్షలు చేశారు. గుండె జబ్బులపై అవగాహన కల్పించారు. పక్క మండలాల నుంచి రోగులు వచ్చి పరీక్షలు చేయించుకున్నారు. ఈ నెలలో 14, 21, 28 తేదీల్లో వైద్య శిబిరం నిర్వహించనున్నట్లు లయన్స్ క్లబ్ అధ్యక్షుడు గంగాధర్ తెలిపారు.
ఇదీ చదవండి: పరిశోధన ఫలితాలను క్షేత్రస్థాయిలోకి తీసుకెళ్లాలి: వెంకయ్య నాయుడు
