బిర్యాని అడిగితే పాసిపోయిన అన్నం పెట్టారు: జీవన్​ రెడ్డి

నిజామాబాద్​లో సుగంధ ద్రవ్యాల ప్రాంతీయ కార్యాలయం ఏర్పాటుపై ఆర్మూర్​ ఎమ్మెల్యే జీవన్​ రెడ్డి స్పందించారు. పసుపు బోర్డుపై కేంద్రానివి, ఎంపీ అర్వింద్​వి నకిలీ మాటలని విమర్శించారు. బోర్డు కోసం మాజీ ఎంపీ కవిత ఎంతో కృషి చేశారని... ప్రైవేట్​ బిల్లు పెట్టారని గుర్తు చేశారు.

నిజామాబాద్‌కు పసుపుబోర్డుపై కేంద్రానివి, ఎంపీ ధర్మపురి అర్వింద్​వి నకిలీ మాటలని ఆర్మూర్ ఎమ్మెల్యే జీవన్ రెడ్డి ధ్వజమెత్తారు. కేంద్రం ఇచ్చింది పసుపుబోర్డు కాదని... సుగంధ ద్రవ్యాల ప్రాంతీయ కార్యాలయం మాత్రమేనని జీవన్ రెడ్డి తెలిపారు. ఇలాంటి రీజినల్‌ ఆఫీసులు ఇప్పటికే 6 ఉన్నాయని పేర్కొన్నారు.

కేంద్రం పాచిపోయిన అన్నాన్ని నిజామాబాద్ రైతులకు వడ్డిస్తోందని విమర్శించారు. రైతులకు వాస్తవాలు త్వరలోనే అర్థమవుతాయన్నారు. పసుపుబోర్డు కోసం మాజీ ఎంపీ కవిత ఎక్కని గడపలేదని జీవన్ రెడ్డి తెలిపారు. స్పైసెస్​ బోర్టు పేరిట ఎంపీ అర్వింద్​ మాయ చేస్తున్నారని ఆరోపించారు. ఆయనకు ప్రజలే గుణపాఠం చెబుతారని హెచ్చరించారు.

ఇదీ చూడండి: నిజామాబాద్​లో సుగంధ ద్రవ్యాల ప్రాంతీయ కార్యాలయం