'విద్యా వాలంటీర్లను విధుల్లోకి తీసుకోవాలి'

విద్యా వాలంటీర్లకు ప్రభుత్వ పాఠశాలలో ఆన్​లైన్ తరగతులు బోధించేందుకు అవకాశం కల్పించాలని రాష్ట్ర విద్యావాలంటీర్లు సంఘం నిర్మల్ జిల్లా శాఖ విజ్ఞప్తి చేసింది. ఈ మేరకు జిల్లా కలెక్టర్ కార్యాలయంలో వినతిపత్రం అందజేశారు.

ప్రభుత్వ పాఠశాలల్లో ఎన్నోఏళ్ల నుంచి విద్యా వాలంటీర్లుగా పని చేస్తున్న వారిని ఈ సంవత్సరం కూడా విధుల్లోకి తీసుకోవాలని రాష్ట్ర విద్యావాలంటీర్లు సంఘం నిర్మల్ జిల్లా శాఖ విజ్ఞప్తి చేసింది. ప్రభుత్వం స్పందించి తమకు న్యాయం చేయాలని జిల్లా శాఖ ఆధ్వర్యంలో కలెక్టర్ కార్యాలయంలో అధికారులకు వినతిపత్రం అందజేశారు.

తమకు ప్రభుత్వ పాఠశాలల్లో ఆన్​లైన్ తరగతులు బోధించేందుకు అవకాశం ఇవ్వాలన్నారు. కరోనా నేపథ్యంలో తాము ఆర్థిక ఇబ్బందులకు గురవుతున్నామని.. ప్రభుత్యమే ఆదుకోవాలని కోరారు. అలాగే పెండింగ్లో ఉన్న వేతనాలు చెల్లించాలని పేర్కొన్నారు.

ఇవీచూడండి: వీఆర్వోల నుంచి రెవెన్యూ రికార్డుల స్వాధీనానికి ప్రభుత్వం ఆదేశం