హైదరాబాద్​లో 4778 గ్రాముల విదేశీ బంగారం పట్టివేత - Huge Foreign Gold Seized in hyd

Foreign Gold Seized in Hyderabad : హైదరాబాద్​ శివారు ప్రాంతంలో అక్రమంగా తరలిస్తున్న విదేశీ బంగారం శనివారం పట్టుబడింది. 4778 గ్రాముల బంగారాన్ని డీఆర్​ఐ అధికారులు స్వాధీనం చేసుకొని, ముఠాను అరెస్టు చేశారు. ఈ బంగారం విలువ రూ.3.71 కోట్లు ఉంటుందని అధికారులు చెబుతున్నారు.

4778 Grams of Gold Seized in Hyderabad : కోయంబత్తూరు నుంచి హైదరాబాద్​కు అక్రమ బంగారాన్ని తరలిస్తున్న ముఠాను శనివారం డీఆర్​ఐ అధికారులు అరెస్ట్​ చేశారు. వారి వద్ద నుంచి 4778 గ్రాముల విదేశీ బంగారాన్ని అధికారులు స్వాధీనం చేసుకున్నారు. వాటి విలువ రూ.3.71 కోట్లు ఉంటుందని అధికారులు అంచనా వేశారు. రోడ్డు మార్గం ద్వారా విదేశీ బంగారాన్ని తీసుకువస్తున్నారన్న సమాచారంతో నగరం శివారు ప్రాంతాల్లో రాయికల్​ టోల్​ ప్లాజా వద్ద కారు అడ్డుకొని అధికారులు సోదాలు చేశారు.

కారు హ్యాండ్​ బ్రేక్​ దిగువన ప్రత్యేకంగా తయారు చేసిన క్యావిటీలో విదేశీ స్మగ్లింగ్​ బంగారాన్ని దాచిపెట్టి తీసుకెళ్తున్నట్లు అధికారులు గుర్తించారు. కారులో బంగారాన్ని తరలిస్తున్న ముగ్గురి పైన కస్టమ్స్​ చట్టం, 1962 నిబంధనల ప్రకారం కేసు నమోదు చేసి రిమాండ్​కు తరలించామని అధికారులు వెల్లడించారు. కేసు విచారణ కొనసాగుతుందని డీఆర్​ఐ అధికారులు తెలియజేశారు.