ధాన్యం కొనుగోళ్లలో వేగం పెంచండి

ధాన్యం కొనుగోళ్లు చేపట్టే సమయంలో నాణ్యత ప్రమాణాలు పాటించాలని కలెక్టర్​ ముషారఫ్​ అధికారులను ఆదేశించారు. కొనుగోలు ప్రక్రియలో వేగం పెంచాలని సూచించారు.

వరి ధాన్యం కొనుగోల్లు వేగవంతం చేయాలని నిర్మల్ జిల్లా కలెక్టర్​ ముషారఫ్ ఫారూఖీ అధికారులను ఆదేశించారు. నిర్మల్ జిల్లా సోన్ మండలం జఫ్రాపూర్ గ్రామంలోని ధాన్యం కొనుగోలు కేంద్రాన్ని కలెక్టర్​ సందర్శించారు. జిల్లాలో ధాన్యం కొనుగోళ్లను పకడ్బందీగా చేపట్టాలని, నాణ్యత ప్రమాణాలు పాటించాలని అన్నారు.

జిల్లాలో ధాన్యం కొనుగోళ్లకు 196 కేంద్రాలకు గాను 177 కేంద్రాలను ప్రారంభించామని కలెక్టర్​ తెలిపారు. ఇప్పటివరకు 58 వేల మెట్రిక్ టన్నులకు పైగా ధాన్యం కొన్నామని వెల్లడించారు.4,503 మంది రైతులకు 42.31 కోట్ల రూపాయలు చెల్లించామని వివరించారు.

ఇదీ చదవండి; రెండో విడతలోనూ గర్భిణులపై కొవిడ్‌ తీవ్ర ప్రభావం