నిర్మల్​లో కొండచిలువ కలకలం.. అటవీప్రాంతంలో వదిలిన అధికారులు

నిర్మల్ జిల్లా కేంద్రంలోని ఇంద్రానగర్​ కాలనీలో సోమవారం అర్ధరాత్రి ఓ ఇంట్లోకి భారీ కొండ చిలువ దూరింది. సమాచారం అందుకున్న అటవీ శాఖ అధికారులు కొండచిలువను పట్టుకుని అటవీ ప్రాంతంలో వదిలిపెట్టారు.

నిర్మల్ జిల్లా కేంద్రంలోని ఇంద్రానగర్​ కాలనీలో అర్ధరాత్రి ఓ ఇంట్లో భారీ కొండచిలువ చేరింది. రవి అనే వ్యక్తి ఇంటి కాంపౌండ్​లోకి ఏడడుగుల పొడవు గల కొండ చిలువ ప్రవేశించగా.. గమనించిన కుటుంబ సభ్యులు పోలీసులకు సమాచారం అందించారు.

పోలీసుల సమాచారంతో సంఘటనాస్థలికి చేరుకున్న అటవీ శాఖ అధికారులు పాములు పట్టే అతణ్ని పిలిపించారు. గంటపాటు శ్రమించి కొండచిలువను పట్టుకుని అటవీ ప్రాంతంలో వదిలిపెట్టారు. అర్ధరాత్రి సమయంలో వెంటనే స్పందించి సహకరించిన అధికారులకు రవి కుటుంబ సభ్యులు సహకరించారు.

• ఇదీ చూడండి పల్సర్ హెడ్​లైట్​లో పాము..ఎరక్క వచ్చి ఇరుక్కుంది..