నల్గొండలో భాజపా రాష్ట్ర ప్రధాన కార్యదర్శి గుజ్జల ప్రేమేందర్ రెడ్డి నల్గొండ, ఖమ్మం, వరంగల్ పట్టభద్రుల ఎమ్మెల్సీ ఎన్నికల ప్రచారం నిర్వహించారు. ప్రచారంలో భాగంగా ఈ రోజు ఉదయం... జిల్లా కేంద్రంలోని ఎన్జీ కళాశాల మైదానంలో మార్నింగ్ వాకర్స్‌ను కలిసి తమకు మద్దతు ఇచ్చి గెలిపించాలని కోరారు. అనంతరం జిల్లాలో పర్యటించి పట్టభద్రులు, ఉపాధ్యాయ సంఘాలతో సమావేశం కానున్నారు.
ఈ ప్రచారంలో భాగంగా నల్గొండ జిల్లా రాష్ట్ర భాజపా కార్యదర్శి మాదగోని శ్రీనివాస్ గౌడ్, బండారు ప్రసాద్, మురిచెట్టి నాగేశ్వర్ రావు, పార్టీ కార్యకర్తలు తదితరులు పాల్గొన్నారు.
ఇదీ చదవండి: 'సినిమా ఛాన్స్ల కోసం ఎవర్నీ వాడుకోలేదు'
