దేశంలోనే అన్నపూర్ణ రాష్ట్రంగా తెలంగాణ: గుత్తా

రైతు సంక్షేమమే ముఖ్యమంత్రి కేసీఆర్ ధ్యేయమని శాసన మండలి ఛైర్మన్‌ గుత్తా సుఖేందర్‌ రెడ్డి తెలిపారు. నల్గొండ జిల్లా దామరచర్ల మండలంలో సుమారు కోటి రూపాయల అభివృద్ధి కార్యక్రమాలకు శంకుస్థాపన చేశారు. రైతు పండించిన ప్రతి ధాన్యపు గింజను కొనుగోలు చేయడం ప్రభుత్వం ముందున్న లక్ష్యమని పేర్కొన్నారు.

నల్గొండ జిల్లా దామరచర్ల మండలంలో సుమారు కోటి రూపాయల అభివృద్ధి కార్యక్రమాలకు శాసనమండలి ఛైర్మన్‌ గుత్తా సుఖేందర్‌ రెడ్డి శంకుస్థాపన చేశారు. ఈ కార్యక్రమంలో ఎమ్మెల్యే భాస్కరరావు పాల్గొన్నారు.

రైతు సంక్షేమమే ముఖ్యమంత్రి కేసీఆర్ ధ్యేయమని గుత్తా సుఖేందర్‌ రెడ్డి తెలిపారు. రైతు పండించిన ప్రతి ధాన్యపు గింజను కొనుగోలు చేయడం ప్రభుత్వం ముందున్న లక్ష్యమని పేర్కొన్నారు. దేశంలోనే తెలంగాణ అన్నపూర్ణ రాష్ట్రంగా అవతరించిందన్నారు.

వేసవి సీజన్లో 6 లక్షల 50 వేల మెట్రిక్ టన్నుల ధాన్యాన్ని ఒక్క తెలంగాణ నుంచి సేకరించారని వివరించారు. గతంలో రైతు చనిపోతే ఏ ప్రభుత్వం పట్టించుకోలేదని.. అన్నదాత అప్పులపాలు కావొద్దని రైతుబంధు పథకాన్ని కేసీఆర్ ప్రవేశపెట్టారని గుత్తా సుఖేందర్‌ వెల్లడించారు.

ఇదీ చదవండి: మద్యం అమ్మకాలకు లాక్‌డౌన్‌ కిక్కు.. ఒక్కరోజే డబుల్