బిల్ట్ కార్మికుల సమస్యలను పరిష్కరించాలని డిమాండ్ చేస్తూ.. ఓ కార్మికుడు ఫ్యాక్టరీ భవనం పైకెక్కి నిరసన వ్యక్తం చేశాడు. వేతనాలు విడుదల చేయకపోతే ఆత్మహత్యకు పాల్పడుతానని బెదిరించాడు. అనంతరం.. పోలీసులు, తెరాస నాయకుల హామీతో భవనం దిగిరావడంతో అంతా ఊపిరి పీల్చుకున్నారు. ఈ ఘటన ములుగు జిల్లా మంగపేట మండలంలో జరిగింది.
తెరాస నాయకులు.. విషయాన్ని మంత్రి కేటీఆర్ దృష్టికి తీసుకెళ్లి చర్చలు జరిపిస్తామని హామీ ఇచ్చారు. కమలాపురంలోని బిల్ట్ కర్మాగారం 2014 లో పలు కారణాల వల్ల మూతపడింది. 6 సంవత్సరాలుగా వేతనాలు లేక తాము అర్ధాకలితో అలమటిస్తున్నామని లింగంపల్లి శ్రీనివాసరావు ఆవేదన వ్యక్తం చేశాడు.
ఇదీ చదవండి: విద్యార్థులు, ఉద్యోగులు, న్యాయవాదులతో తెరాసది పేగుబంధం: కేటీఆర్
