కూతురిపై 'ప్రేమ' అల్లుడుని హతమార్చింది

ప్రేమించి పెళ్లి చేసుకున్న అల్లుడు కూతుర్ని మంచిగా చూసుకుంటాడనుకున్నాడు ఆ తండ్రి. కానీ బిడ్డ కుటుంబ కలహాలతో పుట్టింటికి రావడం వల్ల... అతనిలోని ఆగ్రహం కట్టలు తెంచుకుంది. ఆమెపై ప్రేమ ప్రతికారేచ్ఛను పెంచి అల్లుడిని అతికిరాతకంగా చంపేలా చేసింది.

మేడ్చల్ జిల్లా బాలానగర్​లో నివాసముంటున్న అమీర్... కైసర్ నగర్​లో నివాసముండే హీనా బేగంను 15 నెలల క్రితం ప్రేమించి పెళ్లి చేసుకున్నాడు. వీరికి మూడు నెలల పాప కూడా ఉంది. ఈ క్రమంలో కుటుంబ కలహాలతో బాలానగర్ పోలీసుల సాయంతో హీనా పాపతో పుట్టింటికి వెళ్లిపోయింది.

ఈనెల 11వ తేదీన రాత్రి 11 గంటల సమయంలో అమీర్ భార్యను, పాపను పలకరించడానికి మామ ఇంటికి వెళ్ళాడు. ఈ నేపథ్యంలో కూతురి విషయమై మామ, బావమరిది కలిసి అమీర్​తో ఘర్షణకు దిగారు. ఆగ్రహానికి లోనైనా హీనా తండ్రి డంబెల్​తో అతనిపై దాడి చేశాడు. అతికిరాతకంగా తలపై మోదాడు. అనంతరం తండ్రి, అతనికి సహకరించిన కొడుకు పోలీసులు ఎదుట లొంగిపోయారు. కేసు నమోదు చేసుకున్న పోలీసులు నిందితులను రిమాండ్​కు తరలించారు.