250మంది పేదలకు నిత్యావసర సరుకుల పంపిణీ

లాక్​డౌన్​ కారణంగా ఉపాధి కోల్పోయిన 250మంది పేదలకు కుత్బుల్లాపూర్​ ఎమ్మెల్యే వివేకానంద్​ నిత్యావసర సరుకులను పంపిణీ చేశారు.

మేడ్చల్​ జిల్లా రంగారెడ్డి నగర్​లో తెల్లరేషన్ కార్డు లేని 250 మంది పేదలకు కుత్బుల్లాపూర్​ ఎమ్మెల్యే వివేకానంద్​ నిత్యావసర సరుకులను పంపిణీ చేశారు. ఈ విపత్కర పరిస్థితుల్లో నిరుపేదలను ఆదుకునేందుకు దాతలు ముందుకు రావాలని కోరారు. కరోనాను అరికట్టడానికి ప్రజలందరూ భౌతిక దూరాన్ని పాటించాలని సూచించారు. ప్రజలందరూ మాస్కులు ధరించాలని తెలిపారు. వ్యక్తగతశుభ్రత పాటించటం ఎంతో ముఖ్యమని వెల్లడించారు. కార్యక్రమంలో స్థానిక కార్పొరేటర్​ విజయ్​ పాల్గొన్నారు.