బాచుపల్లి పోలీస్ స్టేషన్ శాశ్వత భవన నిర్మాణానికి సైబరాబాద్ సీపీ సజ్జనార్, ఎమ్మెల్సీ శంభీపూర్ రాజు, ఎమ్మెల్యే వివేకానందలు తమ చేతుల మీదుగా శంకుస్థాపన చేశారు. ఈ కార్యక్రమంలో నిజాంపేట్ కార్పొరేషన్ మేయర్ నీలా గోపాల్ రెడ్డి, అరబిందో సంస్థల ఛైర్మన్ నిత్యానంద రెడ్డిలు పాల్గొన్నారు. నగర శివారు ప్రాంతాల్లో జనాభా పెరుగుతున్న నేపథ్యంలో ఏర్పడిన బాచుపల్లి పోలీసు స్టేషన్ను ఏర్పాటు చేయగా... అరబిందో సంస్థల ఛైర్మన్ సీఎస్ఆర్ ఫండ్ కింద రెండెకరాల స్థలంలో 3.5 కోట్ల రూపాయలతో ఈ భవనాన్ని నిర్మిస్తున్నారు.
శివారు ప్రాంతాల్లో భద్రతే లక్ష్యంగా అత్యాధునిక టెక్నాలజీతో పోలీస్ స్టేషన్లలో అన్ని ఏర్పాట్లు చేస్తున్నామని సైబరాబాద్ సీపీ సజ్జనార్ తెలిపారు. ప్రజలకు ఎల్లవేళలా సేవలందించేందుకు పోలీసులు ముందుంటారని ఆయన అన్నారు. సైబరాబాద్ పరిధిలో మొత్తం నాలుగు పోలీస్ స్టేషన్లకు శంకుస్థాపన చేసినట్లు సీపీ పేర్కొన్నారు.
ఇదీ చదవండి: ప్రైవేట్ వైద్య కళాశాలల్లో కొవిడ్ చికిత్సకు సర్కారు నిర్ణయం
