ఘనంగా నందమూరి సుహాసిని పుట్టినరోజు వేడుకలు

తెదేపా వ్యవస్థాపక అధ్యక్షులు నందమూరి తారక రామారావు మనవరాలు, కూకట్​పల్లి నియోజకవర్గ తెదేపా ఇంఛార్జీ సుహాసిని పుట్టినరోజు వేడుకలను అభిమానులు, కార్యకర్తలు ఘనంగా నిర్వహించారు. ఈ సందర్భంగా కేక్​ కట్​ చేసి సుహాసినికి శుభాకాంక్షలు తెలిపారు.

స్వర్గీయ నందమూరి హరికృష్ణ కూతురు, కూకట్​పల్లి నియోజకవర్గ తెదేపా ఇన్​ఛార్జీ సుహాసిని జన్మదిన వేడుకలు ఘనంగా నిర్వహించారు. కూకట్​పల్లి హౌసింగ్ బోర్డ్ రమ్య సెంటర్ వద్ద అభిమానులు, కార్యకర్తలు కేక్ కట్ చేసి సుహాసినికి శుభాకాంక్షలు తెలిపారు.

ఈ సందర్భంగా తెదేపా వ్యవస్థాపక అధ్యక్షుడు నందమూరి తారక రామారావు నిరంతరం పేదల సంక్షేమం కోసమే పాటుపడ్డారని కేపీహెచ్​బీ 144 డివిజన్​ అధ్యక్షులు షేక్​ సత్తార్​ పేర్కొన్నారు. ఆయన ఆశయ సాధన కోసం నిరంతరం పోరాటం చేస్తామని తెలిపారు.

ఇదీ చదవండి: ప్రతి రోజూ పళ్లెంలో ఇవి తప్పనిసరిగా ఉండేలా..