మేడ్చల్-మల్కాజిగిరి జిల్లాలో కరోనా బాధితులకు అన్ని రకాల వసతులు సమకూర్చడంతో పాటు వారికి సరైన చికిత్స అందించాలని ఈ విషయంలో వైద్యాధికారులు సమర్థవంతంగా తమ విధులు నిర్వహించాలని జిల్లా కలెక్టర్ శ్వేతా మహంతి పేర్కొన్నారు. అదనపు కలెక్టర్ జాన్‌శ్యాంసన్‌తో కలిసి ఘట్‌కేసర్‌లోని ప్రభుత్వ ఉప ఆరోగ్య కేంద్రంలోని వ్యాక్సిన్‌ జరుగుతున్న తీరు, ఐసోలేషన్‌ వార్డుల రికార్డులను పరిశీలించారు.
ఎంత మేర ఆక్సిజన్‌ నిల్వ ఉంది.. ఏమైనా సమస్యలు ఉన్నాయని వైద్యులను అడిగి తెలుసుకున్నారు. కరోనా కేసుల విషయంలో ప్రభుత్వం పూర్తిస్థాయిలో అన్ని సౌకర్యాలు ఏర్పాటు చేస్తుందన్నారు. డాక్టర్లు, సిబ్బంది ఏ మాత్రం నిర్లక్ష్యం చేయరాదని కలెక్టర్ సూచించారు. ప్రజలందరూ కరోనాతో అప్రమత్తంగా ఉంటూ జాగ్రత్తలు పాటించాలని కోరారు. కరోనా లక్షణాలు ఉన్నవారిని గుర్తించి హోం ఐసోలేషన్‌ కిట్టు అందించాలని చెప్పారు.
- ఇదీ చదవండి ' ఆ సమయంలో మద్యం దుకాణాలు తెరిచి ఉంటాయి'
