లాక్​డౌన్ ఎఫెక్ట్ : మద్యం దుకాణాల వద్ద కిటకిట

కరోనా వ్యాప్తి నియంత్రణలో భాగంగా రాష్ట్ర ప్రభుత్వం లాక్​డౌన్ విధించింది. సర్కార్ ఇలా ప్రకటన చేసిందో లేదో.. మద్యం దుకాణాల వద్ద మందుబాబులు బారులు తీరారు. కరోనా నిబంధనలు ఉల్లంఘించి మరీ మద్యం కోసం క్యూ కట్టారు.

కరోనా కట్టడికి ఎట్టకేలకు రాష్ట్ర సర్కార్ లాక్​డౌన్ విధిస్తున్నట్లు ప్రకటన జారీ చేసింది. బుధవారం ఉదయం 10 గంటల నుంచి లాక్​డౌన్ మొదలవ్వనున్నందున మద్యంప్రియులు వైన్ షాపుల వద్దకు పరుగులు తీశారు. పెద్దసంఖ్యలో తరలివచ్చిన మందుబాబులతో మద్యం దుకాణాలు కిక్కిరిసిపోయాయి.

ఉమ్మడి మెదక్ జిల్లాలో ఏ వైన్ షాపు చూసినా.. మందు బాబులతో కిటకిటలాడింది. మద్యం కొనుగోళ్ల హడావుడిలో ముఖానికి మాస్కు ధరించడం, భౌతిక దూరం పాటించడం వంటి కరోనా నిబంధనలను ప్రజలు తుంగలోతొక్కారు. కొన్ని చోట్ల మద్యం కోసం తోపులాటలు కూడా చోటుచేసుకున్నాయి.

• ఇదీ చదవండి ' ఆ సమయంలో మద్యం దుకాణాలు తెరిచి ఉంటాయి'