రంజాన్​ తోఫా అందజేసిన పద్మాదేవేందర్​రెడ్డి

మెదక్ జిల్లా కేంద్రంలోని జీకేఆర్ ఫంక్షన్ హాల్​లో ముస్లింలకు రంజాన్ కానుకలు పంపిణీ చేశారు. మెదక్ ఎమ్మెల్యే పద్మా దేవేందర్ ​రెడ్డి  చేతుల మీదుగా రంజాన్​ తోఫా అందజేశారు.

రంజాన్ పండుగను పురస్కరించుకొని మెదక్ పట్టణంలోని జీకేఆర్ ఫంక్షన్ హాల్​లో ముస్లిం కుటుంబాలకు రంజాన్ కానుకలు పంపిణీ చేశారు. కార్యక్రమంలో ఎమ్మెల్యే పద్మా దేవేందర్ రెడ్డి పాల్గొన్నారు. కేసీఆర్​ రెండోసారి ముఖ్యమంత్రి అయిన తర్వాత వచ్చిన తొలి పండగే రంజాన్ అన్నారు. మహిళలందరికీ బట్టల పంపిణీ చేసి... ఇఫ్తార్ విందు ఇవ్వడం ప్రభుత్వం ఆనవాయితీగా వస్తుందని తెలిపారు. నాలుగేళ్ల నుంచి మైనార్టీల సంక్షేమం కోసం ప్రభుత్వం ఎన్నో పథకాలు ప్రవేశపెట్టిందన్నారు. ఈ కార్యక్రమంలో మున్సిపల్ ఛైర్మన్ మల్లికార్జున్ గౌడ్, కౌన్సిలర్లు, తెరాస కార్యకర్తలు పాల్గొన్నారు.

ఇవీ చూడండి: విభజన హమీల అమలుకు పోరాడుతాం..