కరోనా విపత్కర సమయంలో ప్రైవేట్ పాఠశాలలు మూతపడడంతో, ఉపాధ్యాయుల పరిస్థితి దుర్భరంగా తయారైందని.. వారిని ప్రభుత్వం పట్టించుకోవడం లేదని మంచిర్యాల జిల్లా భాజపా అధ్యక్షుడు రఘునాథ్ రావు అన్నారు. నిరుద్యోగ సమస్యపై జిల్లా కేంద్రంలో భారతీయ జనతా యువ మోర్చా ఆధ్వర్యంలో రాస్తారోకో నిర్వహించారు.
తెరాస ప్రభుత్వం ఇప్పటివరకు ఎలాంటి ఉద్యోగ నియామకాలు చేపట్టలేదని పేర్కొన్నారు. ప్రతిపక్షాలు నిరసనలు చేయకుండా అణచివేసేందుకు కేవలం పోలీస్ నియామకాలను చేస్తున్నారని ఆరోపించారు. రాస్తారోకో కారణంగా ట్రాఫిక్ కు అంతరాయం ఏర్పడడంతో పోలీసులు వారిని అరెస్టు చేశారు.
ఇది చూడండి: పైప్లైన్ పగిలిపోయింది.. నీరు ఎగజిమ్మింది
