మంచిర్యాల జిల్లా బెల్లంపల్లిలో స్థానిక సంస్థల ఎన్నికల్లో ఓటు వేసిన బ్యాలెట్ పత్రాలు సామాజిక మాధ్యమాల్లో వైరల్ అవుతున్నాయి. బట్వాన్‌పల్లికి చెందిన ఓ యువకుడు అత్యుత్సాహాంతో ఓటేసిన తర్వాత ఎంపీటీసీ, జడ్పీటీసీ బ్యాలెట్ పత్రాలను చరవాణిలో ఫొటో తీశాడు. వాటిని సామాజిక మధ్యమాల్లో పోస్ట్ చేశాడు. ఈ ఫొటోలు ప్రస్తుతం వైరల్ కావటం వల్ల ఎన్నికల అధికారులు స్పందించారు. ఫొటోలు ఎవరు తీసి సామాజిక మాధ్యమాల్లో పోస్ట్ చేశారో అధికారులు విచారణ చేపడుతున్నారు. అయితే చరవాణిని పోలింగ్‌ కేంద్రంలోకి ఎవరు అనుమతించారనే దానిపై కూడ విచారణ కొనసాగుతోంది.
సామాజిక మాధ్యమాల్లో వైరల్ అవుతున్న బ్యాలెట్ పత్రాలు
ఇవీ చూడండి: పుత్తడి కొనుగోళ్ల ఉత్సాహం అక్షయ తృతీయ వైభవం
