మహబూబ్ నగర్ జిల్లా దేవరకద్ర మండలం చౌదర్పల్లి గ్రామ సమీపంలో జరిగిన రోడ్డు ప్రమాదంలో యువతి మృతి చెందగా, యువకుడు తీవ్ర గాయాల పాలయ్యాడు. నారాయణపేటకు చెందిన బాధితురాలు స్వగ్రామం నుంచి దేవరకద్ర మీదుగా స్నేహితుడితో కలిసి స్కూటీ మీద మహబూబ్నగర్ వైపు వెళ్తోంది. మన్యంకొండ సమీపంలోకి రాగానే.. ఎదురుగా వస్తున్న కారు వేరే వాహనాన్ని అధిగమించే ప్రయత్నంలో స్కూటీని ఢీకొట్టింది.
ఈ ప్రమాదంలో తీవ్ర గాయాలైన యువతి, యువకుడిని అంబులెన్సులో జిల్లా కేంద్రంలోని ప్రైవేటు ఆస్పత్రికి తరలిస్తుండగా.. యువతి మార్గమధ్యలోనే ప్రాణాలు కోల్పోయింది. తరలించారు. యువకుడికి రెండు కాళ్లు విరిగాయి. ఈ ప్రమాదంతో రెండు కుటుంబాల్లో విషాద ఛాయలు అలుముకున్నాయి. పోలీసులు కారును, స్కూటీని అదుపులోకి తీసుకొని కేసు నమోదు చేసి.. విచారణ చేపట్టారు.
ఇదీ చూడండి : పీఎస్కు వచ్చే ఫిర్యాదు పేపర్లను ఇస్త్రీ చేస్తున్న పోలీసులు
