దేవరకద్రలో రోడ్డు ప్రమాదం.. ఒకరు మృతి..

ద్విచక్ర వాహనం, ఆటో ఢీకొని ఒకరు మృతి చెందగా.. మరొకరు గాయపడిన ఘటన మహబాబ్​నగర్​ జిల్లా దేవరకద్ర సమీపంలో జరిగింది. గాయపడిన వ్యక్తిని ఆస్పత్రికి తరలించారు. కేసు నమోదు చేసుకున్న పోలీసులు విచారణ చేపట్టారు.

మహబూబ్​నగర్ జిల్లా జడ్చర్ల సమీపంలో ఉన్న అశోక్ లేలాండ్ పరిశ్రమలో నాగర్ కర్నూల్ జిల్లా దోమలపెంటకు చెందిన నాగభూషణం(30), బూత్పూర్ మండలం పిల్లిగుండ్ల తండాకు చెందిన రవి నాయక్.. మెకానిక్​గా పని చేస్తున్నారు. కంపెనీ పని కోసం దేవరకద్ర మీదుగా నారాయణపేటకు ద్విచక్రవాహనంపై వెళ్తున్నారు.

దేవరకద్ర పెద్ద చెరువు సమీపంలోకి రాగానే ఎదురుగా వస్తున్న ఆటో ఢీ కొట్టగా భూషణ్ అక్కడికక్కడే మృతి చెందగా, రవి నాయక్ గాయాలతో బయటపడ్డాడు. గాయాలైన రవి నాయక్​ను జిల్లా ఆస్పత్రికి తరలించారు. ఘటనా స్థలికి చేరుకున్న పోలీసులు కేసు నమోదు చేసుకుని విచారణ చేపట్టారు.

ఇదీ చదవండి: వీసా ఆంక్షలపై సమాచారం కోసం అమెరికాలో హెల్ప్​లైన్లు