కొవిడ్ విజేతలను ఆహ్వానించిన ఎస్పీ

కరోనా వ్యాధిని జయించి తిరిగి విధుల్లో చేరిన పోలీస్​ ఆధికారులకు మహబూబ్‌నగర్‌ జిల్లా ఎస్పీ రెమా రాజేశ్వరి పూలతో ఆహ్వానం పలికారు. ధైర్యంగా ఉంటే సకల సమస్యలను ఎదుర్కోగలమని అభిప్రాయపడ్డారు.

కొవిడ్​ వైరస్​ ప్రాణాంతకమైంది కాదనే విషయాన్ని ప్రతిఒక్కరూ గ్రహించాలని మహబూబ్‌నగర్‌ జిల్లా ఎస్పీ రెమా రాజేశ్వరి అన్నారు. వైరస్​ సోకిన వారి పట్ల సమాజంలో మార్పు రావాల్సిన అవసరం ఉందన్నారు. కరోనా బారినుంచి కొలుకుని తిరిగి విధుల్లో చేరుతున్న32 మంది పోలీస్​ అధికారులపై పూలుజల్లి ఆహ్వానం పలికారు.

విధుల్లో చేరుతున్న పోలీసులను ఆహ్వానించిన ఎస్పీ

వైరస్​ నివారణకు మా­నసిక ధైర్యం అత్యంత ప్రధానమైందన్నారు. ఇక నుంచి ప్రతిఒక్కరు యోగా, ప్రాణాయామం వంటివి తమ నిత్యజీవితంలో భాగంగా చేసుకోవాలని సూచించారు. అనంతరం కరోనాను జయించిన సిబ్బందికి కొవిడ్ వారియర్ సర్టిఫికెట్స్​ అందజేశారు.

ఇదీ చూడండి: అల్లాడుతున్న వరంగల్​... అస్తవ్యస్తమైన జన జీవనం