మహబూబ్నగర్లోని పెద్ద చెరువులో యథేచ్ఛగా పెరిగిన గుర్రపు డెక్క తొలగింపు ప్రక్రియ త్వరలోనే ప్రారంభంకానుంది. చెరువులో పేరుకుపోయిన గుర్రపుడెక్కను తొలగించేందుకు హైదరాబాద్ నుంచి హెచ్ఎండీఏకు చెందిన యంత్రాన్ని అధికారులు తెప్పించారు.
20 రోజుల పాటు సాగే ఈ పనులకు పురపాలక శాఖ సుమారు రూ.20 లక్షలు ఖర్చు చేయనుంది. ఈ యంత్రం ఏపుగా పెరిగిన గుర్రపుడెక్కను తొలగించడంతో పాటు ఒడ్డుకు కూడా చేరుస్తుంది. ఇన్ని రోజులు చెరువులోనే ఇరుక్కుపోయిన బోట్లకు విముక్తి కల్పించి... సుందరమైన చెరువులో బోటింగ్ చేసేయెచ్చని స్థానికులు ఉత్సాహం వ్యక్తం చేస్తున్నారు.
