మహబూబ్ నగర్ జిల్లా దేవరకద్ర ఎమ్మెల్యే ఆల వెంకటేశ్వర్ రెడ్డిలో పర్యటించారు. కరోనాతో బాధపడుతున్న పలువురిని ఆయన పరామర్శించారు. నియోజకవర్గంలోని చిన్న చింతకుంట మండలంలోని పలు గ్రామాల్లో ఆయన పర్యటించారు. వడ్డేమాన్ గ్రామంలోని కరోనా బాధితుల నివాసాలకు వెళ్లి సామాజిక దూరం పాటిస్తూ వారికి ధైర్యం చెప్పారు. గ్రామంలో ప్రత్యేకంగా ఏర్పాటు చేసిన క్వారంటైన్లో ఉంటున్న బాధితులను పరామర్శించి వారికి అందుతున్న సౌకర్యాల గురించి ఆరా తీశారు.
సమయానికి తింటూ.. ఆరోగ్య జాగ్రత్తలు తీసుకుంటే కోలుకోవడం సులువే అని.. కరోనా వల్ల ప్రాణాలకు ఎలాంటి ప్రమాదం లేదని ఆయన బాధితులకు చెప్పారు. బండర్పల్లి వాగుపై నిర్మించిన చెక్డ్యాంలో.. కార్యకర్తలతో కలిసి ఊక చెట్టు వాగును తిలకించి ఆనందం వ్యక్తం చేశారు. మత్స్యకారుల నుంచి గాలాలు తీసుకొని కొద్దిసేపు చేపలు పట్టారు. కరోనా బాధితుల విషయంలో.. ప్రజాప్రతినిధులు పార్టీ కార్యకర్తలు అండగా ఉండాలని ఎమ్మెల్యే సూచించారు.
ఇదీ చూడండి: గణేషుడికీ ఓ పార్కు, మ్యూజియం ఉన్నాయి.. అవి ఎక్కడో తెలుసా!
