ఇకపై పాక్ ఆక్రమిత కశ్మీర్పై మాత్రమే చర్చిస్తామని కేంద్ర వ్యవసాయశాఖ సహాయ మంత్రి పురుషోత్తం రూపాలా స్పష్టం చేశారు. జన జాగరణ్ అభియాన్లో భాగంగా మహబూబ్నగర్ జిల్లా కేంద్రంలో ఏర్పాటు చేసిన భాజపా సభలో ఆయన పాల్గొన్నారు. పాక్ ఆక్రమిత కశ్మీర్లోని ప్రజలు ఎప్పుడు భారత్లో అంతర్భాగం అవుతామా అని ఎదురుచూస్తున్నట్లు మంత్రి తెలిపారు. కశ్మీర్ అంశంపై పాక్ అంతర్జాతీయంగా ఒంటరైపోయిందన్నారు. 370 అధికరణం ముగిసిన అంశమని ఆయన అభిప్రాయపడ్డారు. లద్దాక్ ప్రజలకు ముందే దీపావళి వచ్చిందని కేంద్ర మంత్రి పురుషోత్తం రూపాలా పేర్కొన్నారు. కశ్మీర్కు ప్రత్యేక ప్రతిపత్తి కేవలం నెహ్రు అభిమతమేనన్న మంత్రి.. ఆ నిర్ణయాన్ని అప్పడి కాంగ్రెస్ నేతలు సైతం వ్యతిరేకించారని గుర్తు చేశారు. ఈ కార్యక్రమంలో మాజీ మంత్రి డీకే అరుణ, మాజీ ఎంపీ జితేందర్రెడ్డి ఇతర నేతలు పాల్గొన్నారు.
ఇవీచూడండి: 'అధికరణ 370 రద్దుకు యావత్ ప్రపంచం మద్దతు'
