మహబూబ్నగర్ జిల్లాకేంద్రంలోని ఆంధ్రాబ్యాంకు అధికారులు లాక్డౌన్ సమయంలో పేదలు, వలస కూలీలు, వీధి వ్యాపారులు, పురపాలిక సిబ్బంది మొత్తం ప్రతిరోజూ 700 మందికి అల్పాహారం అందిస్తున్నారు. పేదలకు సేవ చేయాలనే ఉద్దేశంతో ఆంధ్రాబ్యాంక్ ఉద్యోగుల ఛారిటబుల్ ఛాలెంజ్ పేరుతో ఈ కార్యక్రమం నిర్వహిస్తున్నారు. ఈ మేరకు జిల్లా కేంద్రంలో అల్పాహార కేంద్రాన్ని ఏర్పాటు చేశారు.
జిల్లా కేంద్రంలో బ్యాంకు అధికారులు ఏర్పాటు చేసిన అల్పాహార పంపిణీ కేంద్రాన్ని జిల్లా కలెక్టర్ ఎస్.వెంకటరావు ప్రారంభించారు. సేవ చేయడం కూడా ఛాలెంజ్గా తీసుకొని తోటివారిని భాగస్వామ్యం చేయడం ఆహ్వానించదగ్గ పరిణామం అన్నారు. అల్పాహార కేంద్రాన్ని ప్రారంభించిన అనంతరం కలెక్టర్ పేదలకు అల్పాహార పొట్లాలు అందించారు.
ఇదీ చూడండి: రెండోరోజు 'ఉద్దీపన'లపై కోటి ఆశలు!
