Rape on Minor Girl: తెలుగు రాష్ట్రాల్లో అత్యాచారాలు రోజురోజుకూ పెరిగిపోతున్నాయి. కామాంధులు చిన్నా, పెద్దా తేడా లేకుండా తమ పశువాంఛ తీర్చుకుంటున్నారు. ప్రతిరోజు ఏదో ఒక మూల.. ఎక్కడో ఒకచోట బాలికలు, మహిళలపై అత్యాచారాలకు ఒడిగడుతూనే ఉన్నారు. చిన్నారులు, యువతులు, మహిళలు ఒంటరిగా కనపడితే చాలు.. కామాంధులు మృగాళ్లుగా మారి వారి జీవితాలను అంధకారం చేస్తూ.. పైశాచిక ఆనందం పొందుతున్నారు. తాజాగా మహబూబాబాద్‌లో రెండున్నర ఏళ్ల చిన్నారిపై ఓ యువకుడు అత్యాచారానికి పాల్పడ్డాడు.
మహబూబాబాద్ జిల్లా గార్ల మండలంలోని ఓ గిరిజన తండాలో దారుణం చోటుచేసుకుంది. అభం శుభం తెలియని రెండున్నర సంవత్సరాల చిన్నారిపై 35 సంవత్సరాల యువకుడు అత్యాచారానికి పాల్పడ్డాడు. దీనిని గమనించిన తండావాసులు పారిపోతున్న నిందితుడిని పట్టుకున్నారు. అనంతరం ఆ యువకుడిని విద్యుత్ స్తంభానికి కట్టేసి దేహశుద్ధి చేశారు. ఈ విషయంపై స్థానికులు పోలీసులకు సమాచారం ఇచ్చారు. వెంటనే సంఘటనా స్థలానికి చేరుకున్న పోలీసులు నిందితుడిని అదుపులోకి తీసుకున్నారు. కేసు నమోదు చేసి దర్యాప్తు చేస్తున్నారు.
ఇవీ చదవండి:
