మహబూబాబాద్ జిల్లా గార్ల మండల కేంద్రంలో జరిగిన ఫ్రైడే-డ్రై డే కార్యక్రమానికి మహబూబాబాద్ జడ్పీ ఛైర్పర్సన్ బిందు ముఖ్య అతిథిగా హాజరయ్యారు. మురుగు నీటి కాలువల్లో ఆయిల్ బాల్స్ వేశారు. చెత్తచెదారాన్ని తొలగించే కార్యక్రమంలో పాల్గొన్నారు. అనంతరం పినిరెడ్డిగూడెంలోని పల్లె ప్రకృతి వనం నందు మొక్కలను నాటారు.
గత సంవత్సరం గార్ల మండలంలో మలేరియా, డెంగీ వంటి సీజనల్ వ్యాధులతో ప్రజలు బాగా ఇబ్బందులు పడ్డారని జడ్పీ ఛైర్పర్సన్ బిందు అన్నారు. ఈ ఏడాది అలా జరగకుండా ముందస్తుగా ప్రత్యేక పారిశుద్ధ్య కార్యక్రమం, ఫ్రైడే-డ్రై డే లాంటి కార్యక్రమాలు చేపట్టి పరిశుభ్రతకు పెద్దపీట వేస్తున్నామన్నారు. కరోనా విజృంభిస్తున్న నేపథ్యంలో గ్రామాల్లోని ప్రజలందరికీ అవగాహన కల్పిస్తున్నామని తెలిపారు. ఈ కార్యక్రమంలో జడ్పీటీసీ ఝాన్సీ లక్ష్మి, ఎంపీపీ శివాజీ చౌహన్, ప్యాక్స్ ఛైర్మన్ దుర్గాప్రసాద్, గార్ల సర్పంచ్ బన్సీలాల్, తదితరులు పాల్గొన్నారు.
ఇవీ చూడండి: విద్యార్థుల ప్రాణాలతో చెలగాటం ఆడొద్దు: వీహెచ్
