మహబూబాబాద్ జిల్లా కేసముద్రం, ఇనుగుర్తి ప్రాథమిక ఆరోగ్య కేంద్రాలలో పనిచేస్తున్న సుమారు 100 మంది ఏఎన్ఎంలు, ఆశావర్కర్లకు సేవాభారతి స్వచ్చంధ సేవా సంస్థ ఆధ్వర్యంలో శానిటైజర్లు, మాస్కులు, నిత్యావసరాలు పంపిణీ చేశారు. ఈ కార్యక్రమంలో సేవా భారతి నిర్వాహకులు వోలం శ్రీనివాస్, ఎంపీపీ వోలం చంద్రమోహన్, ఎంపీడీఓ రోజారాణి, ఎస్సై సతీశ్ పాల్గొన్నారు.
ఈ క్లిష్ట సమయంలో ఏఎన్ఎంలు, ఆశావర్కర్లు ఇంటింటికి తిరుగుతూ స్థానికుల ఆరోగ్యపరిస్థితులు తెలుసుకుంటూ తీవ్రంగా శ్రమిస్తున్నారని ఎస్సై సతీశ్ కొనియాడారు. ఇలా నిరంతరం కృషిచేస్తోన్న ఏఎన్ఎంలకు మంచి పేరొస్తుందని ఆకాంక్షించారు. ఇలాంటి వారికి దాతలు అండగా నిలవాలని కోరారు.
